نور ماليني

اقتباسًا منك يا نوار، لما حطيتي موضوع (حب ماليني) في البلوج بتاعك. أنا كمان بقولك إن جوايا نور ماليني. أنتي من أحسن الأصدقاء اللي ربنا حباني بيهم. أنتي أروع إنسانة بجد. وعايزة أقولك إن الأغنية اللي أنتي رشحتيها ليا عشان أسمعها لما كنت بشكيلك عن حالة الاكتئاب اللي أنا عايشاها بقالي فترة، بقولك إن الأغنية ديه بقت في وداني علطول، حتى لو مش معايا الإم بي ثري أو الموبايل. أنا بقيت بحاول أعيش الحالة اللي في الأغنية بفضلك أنتي. أنا فعلاً حاسة زي ما تكون الأغنية ديه متألفة علشاني أنا. شكرًا ليكي كتييييييييييييييييير يا نوار. يا أجمل ملاك

خايف من بكرة ليه؟
مين يعرف بكرة إيه؟
مين يعرف بكرة إيه؟
أنا مش هبص ورايا ولا أقول آآه
مهما الأمل غاب العيون شايفاه
اليأس مش هيوصلك
ولو الهموم هتحصلك
مش راح تقف الحياة
ونخاف من بكرة ليه؟
مين عارف بكرة إيه؟
يا حبيبي ماله الليل
الليل طول؟
وكل ما يقرب يخلص
يفضل يرجع م الأول
سيب اللي يكره يكره
وأنت أحلم ببكرة
مع إنه لسه ما جاش
مهما تحاصرك همومك ويلومك مين يلومك
لاء متعشهاش

بلاش
لسه الورود بتشق براعمها
والفرحة بتلاعب نسايمها
ونخاف من بكرة ليه؟
مين عارف بكرة إيه؟

****

كل الجروح ليها دوا

يا طير يا حايم في الهوا

اطوي الجناح على الجراح

واضحك

ويلا نطير سوا

أنا مش هبيع الصدق بالأكاذيب

ولا أقولش للحمل الوديع يا ديب

ولا أقولش للديب يا أعز حبيب

والصدق مهما عز

في الأزمة مش ههتز

ساعات يكون كتم الأنين أصدق

وأنا مهما أقع راح أقوم

وأنا مهما أقع راح أقوم

وديه مسألة مبدأ

بيكدبوا الصدق

أما الكدب يتصدق

يا ليل تطول

بكرة تلقى الفجر بيشقشق

أنا في انتظار الصباح

أنا احتويت الجراح

وخلاص نسيت اللي راح

ومن جديد هبدأ

وديه مسألة مبدأ

(غناء المطرب الموهوب علي الحجار)